Aaj fir vo paavan kshan aya hai,
Jab zehan me tumhara khyaal aya hai.
Aaj fir dil me vo gham chhaya hai,
Jisne sada se dil ko tadpaya hai.

Kabhi na duniya main chhod paya,
Kabhi na bhram se mukh mod paya,
Fansa hoon abhi bhi is daldal me,
Ye kachche bandhan kabhi na tod paya.

Duniya achchi hai, ye to bas bahana hai,
Sachchi manzil to tumhare charnon ko pana hai,
Moorkh, samjh le duniya musafirkhana hai,
Chahe-anchahe ise chhod k hi jana hai.

Prem shareer se hi krna hai, to tumhare badan se karun,
Sundarta,mohakta ke chaman se karun;
Tumhe yaad krte hue jiyun,
Tumhe hi yaad krte hue marun.

Duniya ek chumbak hai,
Lapet ke aaghosh me leti hai,
Apna matlab siddh krke,
Ant me dulatti deti hai.

Tumhare maadak adhar,
Tumhari vishwmohani mukan,
Kyun nahi aankho ka janm sidhh krke,
Is shreer se nikal jati jaan.

Ye dil bahut kamzor hai,
Tum me nahi lag pata hai;
Sochta duniya bhar ki baten hai,
Har pal bhatkta jata hai.

Hey mere Prandhan,
Khud me mera dhyan lgao.
Tumhari kripa ke bina nahi ho skte darshan,
Ab to ye baat samajh jaao.

Hota agar itna hi bada bhakt,
To kabka tumhe paa leta;
Is nashwar shareer me basi amar atma ko,
Janm mrityu ke bandhan se chhuda leta.
Par ek tum ho jo pareekshha pe pareekshha liye jaa rahe ho,
Ek masoom si jaan ko itna kyon rula rahe ho.
Jo tum kripa drishti naa barsaaoge,
To fir kabhi Kripanidhaan naa kehlaaoge.